Juchzfideli Wyber vo de Rätscheflueh

Mer schtöi do – vor euch i der schönschte Tracht
Hei eus usepotzt ond höbschi Zöpfli gmacht.
D’Scheube ponde – di wisse Schtrömpf am Bei.
Alls för de – mis Olte mis Dehei

Ond lueg eg vo dr Rätscheflueh is Tal
Jo, de juuchz eg luut – es bliibt mer keini Wahl
Weiss kei Platz, won eg lieber möchti si
On drom pöpperlet mis Härz för di.

* * *

Es lyt es Städtli wonderhöbsch am blaue Aarestrand,
Sesch emmer eso gsi, sesch emmer eso gsi.
Doch leider esch kei Gäld me ome, das esch allerhand
no nie, gar nie, esch z’Olte das so gsi.
mer hätte do e Sparidee, dr Stadtroth reduziere
us föif machsch zwöi, das sött doch ou dr hinderletscht kapiere.
Der eint zieht Stüüre y, der ander dä teilt Buesse uss.
Eso chonnt Olte weder ines Plus.