Rätschwyb

Unsere erste Fasnacht.

Daraus ist unser Zunftlied «s’Rätschwyber Lied» geboren worden mit der Musik von «Rote Lippen soll man küssen». Und so geht’s…

Mh da da da da mh da da da da mh da da da da rätsch rätsch rätsch rätsch
Ändlech gsänd’s ob jung ond alt, alli Oltner i
D’Fasnacht cha doch eifach net ohni Wyber si
Ond dorom werd das nöchschte Johr en riese super Hit
wöus jetzt öis Rätschwyber – Clique im Oltner Städtli get.

Eus Rätschwyber chasch net küsse
mer si net zomm küsse do
mer wei Tag ond Nacht nor rätsche
das muesch halt verstoh
för a d’Fasnacht Värsli brönzle, Helge mole macht eus Spass
mol es Wyli trinke loschtig si, z’Olte uf dr Gass

Mh da da da da mh da da da da mh da da da da rätsch rätsch rätsch rätsch

Kostüm näie, Wage boue, chöi mer Wyber ou.
So esch halt jedi Frou för sich, e Super-Power-Frou.
Mer setzte d’Larve uf – no schnäll am Wyli nippe
de zieh mer los vo Beiz zo Beiz und näme d’Lüt of d’Schippe.