Rätschwyber Obernaar 2018 zum 30 Jahre Jubiläum
Endlich ist es soweit! Wir freuen uns auf eine weibliche Obernaaren Zeit. Just zu unserem 30 Jahre Jubiläum im 2018 dürfen wir Rätschwyber den zweiten Obernaar in unserer Geschichte stellen. Wer wird es denn sein? Die Spekulationen machten im Vorfeld die Runde. Am Montag, 29.05.17 anlässlich der FUKO Delegiertenversammlung wurde das Geheimnis mit folgendem Song gelüftet.
21 Rätschwyber hei dr Obernaar,
d’Cathrin esch ne scho mou gsi – se machts nöm das esch klar.
20 Rätschwyber wo entscheide sette
S’Käthi wet vöu lieber – met erne Änkel tschätte
19 Rätschwyber – wösse s’get vöu ztue
S’Esthy ond d’Mirjam – wette chli meh Rueh
17 Rätschwyber wei lieber nor chli „si“
Mer (Fränzi & Monika) wei dä Stress nöme ha – mer si scho Trabi gsi
15 Rätschwyber döi of d’Fasnacht plange
D’Irene esch wie emmer be de Glugger blibe hange
14 Rätschwyber chömed ofe Gschmack
S’Regi wot of gar kei Fall – se gets nor em Doppelpack
13 Rätschwyber wandere am See
S’Trudi euses Jogger Wyb hei mer plötzli nöm gseh.
12 Rätschwyber döi im Chnobli Wage singe
d’Nadine ond d’Gina lose lieber wie d’Gugge klinge.
10 Rätschwyber hei e Värs usdänkt
di chlini Rahel esch vor Hochzitsplanig abglänkt.
9 Rätschwyber d’Sarah het Bluet gläckt
För das Amt aus Obernaar – han ich de falsch Dialäkt.
8 Rätschwyber zwöi hei Dorscht gha
mer (Béa und Bea) stosse lieber ofe Obernaar a.
6 Rätschwyber – mer (Corinne & Steffi) mache secher met
Aber ned als Obernaar – eus schtoht schwarz/rot ned.
4 Rätschwyber wösse noni wär
De Mäni ond mis (Chregi) Örgeli si mer zäme zschwär.
3 Rätschwyber si am Diskutiere
Sorry eg (Laetitia) ha gar kei Zit muess mi Ma omechauffiere.
2 Rätschwyber packes zäme a
Mer (Madeleine) liet de Wagebout – dört han eg d‘Hose a.
Es blibt nor no eis Rätschwyb – jetzt eschs sonneklar
D’Rahel wird das Zepter füere – als euse Obernaar.
Refrain Rahel:
Eg werde zwar im Rampeliecht stoh
Aber ohni mi Zonft, chan eg nüt afoh
Mi föif Trabante nem eg drom met
ou de ganz Tross – of Schrett ond Trett.
Met eusem Motto 
Wärde mer zäme met euch – do wetti
Ei Woche Spass & Spektakel ha
won er – so hoffi – no lang dänked dra.
So, gnue gsonge jetz elei – hei ei ei
Do chonnt scho mi erschti Hilfeschrei
Es fähle di witere Stemme vo mine Froue
Of die chani boue ob gschtoche oder ghoue
Mer senge jetz e chline Vorgschmack vo däm wo mer wei portiere
Vo Zirkus ond Gaukler hei mer is lo inschpiriere
Chli offner söu jedoch euses Motto si
Spektakel drom – schränkt eus ned so i.
Pfäffered ond Gsalze met Magie & Emotione
Fiire mer zäme e Fasnacht met Konfetti Kanone
Höt do inne im Parlamäntssaal? Nei – das wär vermässe
Het doch d’Potzfrou sit em letscht Johr d’Nachtwächter nöm vergässe.
